ಏನು ಏನು ನೀ ನನಗೆ?

 

 

ಯಾಕೆ ಬಂದೆ ನೀ ನನ್ನೊಳಗೆ
ಅಳಿಸಲಾಗದು ನಿನ್ನ ಹೆಜ್ಜೆ
ಮೂಡಿ ನನ್ನ ನೆನಪೊಳಗೆ
ಕೇಳಿಸದೇನು ನನ್ನ ಮಾತು
ಬಂಧಿ ನಾನು ನಿನ್ನೊಳಗೆ
ಏನು ಏನು ನೀ ನನಗೆ?

ಪರಿಚಿತೆಯಲ್ಲ ! ಸ್ನೇಹಿತೆಯಲ್ಲ!
ನಿನಗೆ ನನ್ನಲ್ಲಿ ಹೆಸರಿಲ್ಲ.
ನೀನು ಇರದ ನಾನೆನಲ್ಲ
ಇದರ ಹೊರತು ಇನ್ನೇನಿಲ್ಲ
ಹೇಳಿ ಬಿಡು ಓ ಮೌನವೇ! ಒಮ್ಮೆ
ಏನು ಏನು ನೀ ನನಗೆ?

ಓಡುವೆ ದೂರ ನಿನ್ನನು ಬಿಟ್ಟು
ನಟಿಸಿ ನಿನ್ನನೇ ಮರೆತಂತೆ
ನೋಡುವೆ ನಿನ್ನನೇ ಗಮನವಿಟ್ಟು
ದಿಟ್ಟಿಸಿ ಕಣ್ಣನೇ ಮರೆತಂತೆ
ಹೇಳಿ ಬಿಡು ಓ ಮೌನವೇ ಒಮ್ಮೆ
ಏನು ಏನು ನೀ ನನಗೆ?

ಓದುವೆ ನಿನ್ನ ಸಂದೇಶವನ್ನು
ಅರ್ಥವಾಗದ ಕಾವ್ಯದಂತೆ
ಓದಲಿ ಹೇಗೆ ನಿನ್ನ ಮನವನ್ನು
ಇದ್ದರೆ ಹಣೆಯ ಬರಹದಂತೆ
ಹೇಳಿ ಬಿಡು ಓ ಮೌನವೇ ಒಮ್ಮೆ
ಏನು ಏನು ನೀ ನನಗೆ?

ಕೂರುವೆ ನಾನು ನಿದ್ದೆಯ ಕೆಟ್ಟು
ಕಾಲವ ಕೂಡ ಮರೆತಂತೆ
ನಿನ್ನಲೇನಿದೆ? ಅಂಥಹ ಗುಟ್ಟು
ನನ್ನ ಮನವ ಸೆಳೆವಂತೆ
ಹೇಳಿ ಬಿಡು ಓ ಮೌನವೇ ಒಮ್ಮೆ
ಏನು ಏನು ನೀ ನನಗೆ?

-Tharanatha sona